Сабаленка: Вярнуся ў Індыян-Уэлс налета па свой тытул у адзіночным разрадзе

Першая ракетка Беларусі пракаментавала перамогу ў парным разрадзе турніру ў Індыян-Уэлсе.

Першая ракетка Беларусі Арына Сабаленка пракаментавала перамогу ў парным разрадзе турніру ў Індыян-Уэлсе. Здабыць тытул спартоўцы дапамагла Эліс Мертэнс з Бельгіі.

- Ой, ой, ой! Першы тытул ВТА ў парным разрадзе. Дзякуй майму партнёру Эліс Мертэнс і вялікі дзякуй за гэты дзіўны івэнт «BNP Paribas Open», а таксама вялікі дзякуй усім за падтрымку. Надта задаволеная, што мне выпала магчымасць затрымацца тут да канца. Я вярнуся сюды налета нашмат мацнейшай па свой тытул у адзіночным разрадзе, - напісала Сабаленка ў Інстаграме.