Кіраўнік NASA: Першым чалавекам на Марсе стане жанчына

Кіраўнік NASA Брайдэнстайн распавёў аб місіях на Месяц і на Марс.

Першым чалавекам на Марсе, хутчэй за ўсё, будзе жанчына. Пра гэта ў інтэрв'ю радыёстанцыі Science Friday 8 сакавіка сказаў дырэктар NASA Джым Брайдэнстайн, паведамляе gordonua.com.

Акрамя таго, з ягоных слоў, у місіі ў высадцы чалавека на Месяц ключавая роля таксама будзе належаць жанчыне.

«NASA імкнецца пашырыць праяўленне талентаў чалавека. Таму мы з нецярпеннем чакаем з'яўлення першай жанчыны на Месяцы», - сказаў Брайдэнстайн у адказе на пытанне радыёслухача.

Дырэктар NASA таксама дадаў, што ў найбліжэйшыя гады на Месяцы будзе заснаваная сталая калонія.

У 2020-м фінансавым годзе ў NASA спадзяюцца атрымаць з бюджэту ЗША $21 млрд, пісала The Wall Street. $500 млн, паводле інфармацыі суразмоўцаў выдання, агенцтва збіраецца выдаткаваць на даследаванне Месяца.

Амерыканскія астранаўты ўжо былі на Месяцы. Першая ў гісторыі пасадка адбылася 16 ліпеня 1969 года падчас місіі ЗША Apollo 11. Усяго было шэсць высадак (апошняя ў 1972 годзе), усе зробленыя астранаўтамі амерыканскіх місій Apollo.

Пілатаваны палёт на Марс абвяшчалі сваёй мэтай у XXI стагоддзі многія нацыянальныя касмічныя праграмы, у тым ліку NASA, «Раскосмас» і Еўрапейскае касмічнае агенцтва. NASA плануе высадзіць чалавека на Марсе ў 2030-х гадах, прыватная кампанія SpaceX заяўляла, што гэта, магчыма, адбудзецца ўжо ў 2025 годзе.

Вядомы ангельскі астрафізік Стывен Хокінг заяўляў, што цягам 100 гадоў людзі будуць жыць на Марсе.

У чэрвені ў NASA абвясцілі аб адкрыцці арганічных малекул у паверхневым пласце марсіянскага грунту.