Беларускія баксёры здабылі чатыры бронзавыя медалі моладзевага ЧЕ
- 18.03.2019, 19:45
- 8,058
Удзел у моладзевым чэмпіянаце Еўропы прынялі 240 спартоўцаў з 39 краін.
Беларусы здабылі чатыры бронзавыя медалі на моладзевым чэмпіянаце Еўропы (U-22), які прайшоў ва Ўладзікаўказе 7-18 сакавіка, паведамляе БелТА.
На папярэдняй стадыі беларуска Дар'я Асмалоўская (вагавая катэгорыя 69 кг) была мацнейшая за спартоўку з Вугоршчыны Вівьен Буда, але ў паўфінале саступіла больш доследнай спаборніцы з Італіі Анжэле Карын і здабыла бронзавую ўзнагароду форуму. Таксама на трэцюю прыступку п'едэстала гонару падняліся яе партнёры па камандзе Яўген Кармільчык (49 кг), Дзмітрый Дзяшкевіч (60 кг) і Аляксандр Радзівонаў (69 кг).
Удзел у моладзевым чэмпіянаце Еўропы ўзялі 240 спартоўцаў з 39 краін.