Апытанне: Уладзімір Зяленскі - абсалютны лідар на прэзідэнцкіх выбарах ва Украіне

Актор з'яўляецца лідарам сімпатый выбарцаў амаль ва ўсіх абласцях Украіны.

За Уладзіміра Зяленскага на выбарах прэзідэнта Украіны гатовыя прагаласаваць 34% украінцаў, якія вызначыліся са сваім выбарам. Такія звесткі апытання, праведзенага ў сакавіку Усеўкраінскай грамадскай арганізацыяй "Перадавыя прававыя ініцыятывы". Актор з'яўляецца лідарам сімпатый выбарцаў амаль ва ўсіх абласцях Украіны, дзе праводзіцца апытанне, піша kp.ua.

Найбольшы паказчык падтрымкі (амаль 46%) у яго на Днепрапятроўшчыне. Больш за 40% яго рэйтынг дасягнуў у Сумскай, Харкаўскай, Запарожскай абласцях, крыху менш за 40% - у Адэсе, Мікалаеўшчыне, Ровеншчыне, Кіраварадшчыне, Закарпацці, Чарнігаўшчыне і Херсоншчыне. У той жа час Пятра Парашэнку агулам падтрымліваюць 14,22%, Юлію Цімашэнку - 12,9%, Юрыя Бойку - 11,1% апытаных. Астатнія кандыдаты набіраюць менш за 7%.

"Атрыманыя звесткі аб падтрымцы выбарцамі паказваюць далейшы рост рэйтынгу Уладзіміра Зяленскага, які мае ўпэўненыя шанцы выхаду ў другі тур прэзідэнцкіх выбараў", - гаворыцца ў каментары да вынікаў даследавання. У той жа час, сацыёлагі адзначылі, што рэйтынгі Пятра Парашэнкі і Юліі Цімашэнка зменшыліся.

У другім туры Зяленскі набірае блізу 70% у пары з кім-небудзь з спаборнікаў (сярод тых, хто вызначыўся).

Гатоўнасць узяць удзел у галасаванні выказалі амаль 82% апытаных. У той жа час блізу 40% рэспандэнтаў заявілі, што ведаюць пра подкуп выбарцаў у сваім раёне, у 55% выпадкаў ён быў на карысць Пятра Парашэнкі.

Апытанне праводзілі 16-17 сакавіка 6 тысяч 835 інтэрв'юераў, было апытана 164 590 рэспандэнтаў на ўсёй тэрыторыі Украіны (акрамя АР Крым і асобных тэрыторый Луганскай і Данецкай абласцей, якія часова не кантралююцца Украінай). Выбарка - з квотным адборам на апошняй прыступцы, рэпрэзентатыўная для насельніцтва Украіны старэйшага за 18 гадоў. Даследаванне праведзена паводле методыкі вялікіх лікаў шляхам інтэрв'юіраванне face-to-face і тэлефоннага апытання, у рэжыме онлайн праз мабільныя дадаткі. Хібнасць рэпрэзентатыўнасці (выбаркі) не перасягае 1,5%.