Фотафакт: Абураныя жыхары Слоніма выйшлі на Марш

Два гады таму сотні слонімцаў выйшлі на акцыю пратэсту супраць падатку на «дармаедства».

19 сакавіка 2017 года ў Слоніме прайшла акцыя пратэсту супраць дэкрэта №3. Некалькі сотняў чалавек выйшлі на галоўную плошчу Слоніма і пайшлі шэсцем у гарвыканкам.

Людзі пагаварылі з чыноўнікамі і прынялі жорсткую рэзалюцыю з патрабаваннем правесці эканамічныя рэформы і свабодныя выбары. Людзі былі абураныя тым, што за апошнія гады ў горадзе закрыўся шэраг прадпрыемстваў.

Варта адзначыць, што прайшло два гады, але праблемы людзей так і не развязалі і не развязваюць.