29 сакавiка 2024, Пятніца, 12:46
Падтрымайце
сайт
Сім сім,
Хартыя 97!
Рубрыкі

Беларусы падпісваюцца пад патрабаваннем абвясціць пасла Бабіча персонай нон грата

12
Беларусы падпісваюцца пад патрабаваннем абвясціць пасла Бабіча персонай нон грата
МІХАІЛ БАБІЧ
ФОТА: РІА«НОВОСТИ»

Грамадзяне нашай краіны абураныя паводзінамі спецпрадстаўніка кіраўніка РФ.

16 сакавіка на сайце petitions.by з'явіўся тэкст петыцыі з патрабаваннем абвясціць пасла Расеі ў Беларусі Міхаіла Бабіча персонай нон грата:

«Улічваючы камандны тон пасла Расеі Бабіча, які не разумее розніцы паміж федэральнай акругай Расейскай Федэрацыі і незалежнай дзяржавай Рэспублікай Беларусь, просім, у адпаведнасці з арт.9 і арт. 43 Венскай канвенцыі ад 18.04.1961 «Аб дыпламатычнай камунікацыі» абвясціць пасла Расейскай Федэрацыі Бабіча Міхаіла Віктаравіча persona non grata».

Установы, у якія плануецца накіраваць зварот: Міністэрства замежных спраў Беларусі.

Варта адзначыць, што за некалькі дзён петыцыю падпісалі больш за 1 100 беларусаў. Падпісацца можна тут.

Нагадаем, 14 сакавіка пасол Расеі ў Беларусі Міхаіл Бабіч у сваім інтэрв'ю РІА «Нововсті» заклікаў інтэнсіфікаваць фармаванне «саюзнай дзяржавы». У адказ афіцыйны прадстаўнік беларускага замежнапалітычнага ведамства Анатоль Глаз апублікаваў каментар, параўнаўшы Бабіча з «увішным бухгалтарам».

18 сакавіка Бабіч правёў у Менску канферэнцыю, прысвечаную пяцігоддзю анэксіі Крыма РФ.

Напісаць каментар 12

Таксама сачыце за акаўнтамі Charter97.org у сацыяльных сетках