Якім будзе надвор'е да канца працоўнага тыдня
- 19.03.2019, 17:25
- 11,361
Прагноз па Беларусі на 20 - 22 сакавіка.
20 сакавіка надвор'е Беларусі ў асноўным будзе вызначаць вобласць павышанага атмасфернага ціску, толькі на поўначы краіны адаб'ецца ўплыў малаактыўнага атмасфернага фронту. Чакаецца воблачна з прасвятленнямі, паведамляе Гідрамет.
Пераважна без ападкаў, толькі месцамі на поўначы невялікія ападкі (снег, мокры снег). Уначы і раніцай у асобных раёнах слабы туман. Вецер заходні сярэдні. Тэмпература паветра мінімальная ўначы -3..+2°С, максімальная ў сярэдзіне дня +3..+9°С. Атмасферны ціск будзе расці.
21 сакавіка надвор'е будуць фармаваць атмасферныя франты, якія змяшчаюцца з Балтыйскага мора. Уначы і раніцай на большай частцы тэрыторыі, удзень месцамі пройдуць кароткачасовыя ападкі (мокры снег, дождж). Уначы і раніцай на асобных адцінках дарог галалёдзіца. Вецер заходні, паўночна-заходні, сярэдні, уначы ў асобных раёнах на поўначы моцны парывісты. Тэмпература паветра мінімальная ўначы -2..+4°С, максімальная ўдзень +5..+12°С.
22 сакавіка ўначы надвор'е абумовіць атмасферны фронт, удзень тэрыторыя Беларусі апынецца пад уплывам цёплай паветранай масы, якая паступае з Заходняй Еўропы. Уначы на большай частцы тэрыторыі, удзень месцамі па краіне чакаюцца кароткачасовыя дажджы. Вецер заходняй чвэрці сярэдні, месцамі парывісты. Тэмпература паветра мінімальная ўначы 0..+6°С, максімальная ўдзень +7..+14°С.