28 сакавiка 2024, Чацвер, 12:12
Падтрымайце
сайт
Сім сім,
Хартыя 97!
Рубрыкі

Кіраўнік Еўрапейскай рады дапусціў адтэрміноўку Brexit

Кіраўнік Еўрапейскай рады дапусціў адтэрміноўку Brexit
ДОНАЛЬД ТУСК
ФОТА: PAP

Дональд Туск дапусціў кароткую адтэрміноўку Brexit пры адной умове.

Кіраўнік Еўрапейскай рады Дональд Туск дапусціў перанос брэксіту на кароткі тэрмін, паведамляе svoboda.org.

Але толькі ў тым выпадку, калі парламент Вялікабрытаніі ўхваліць раней узгодненую ўгоду з Брусэлем. Надзея на арганізаваны выхад Вялікабрытаніі з Еўразвязу слабая, але ЕЗ працягне дамагацца гэтага, - дадаў Туск.

Раней у сераду прэм'ер-міністарка Вялікабрытаніі афіцыйна папрасіла адкласці выхад краіны з Еўразвязу да 30 чэрвеня. У лісце Дональду Туску яна адзначыла, што рыхтуецца да трэцяга галасавання ў парламенце па свайму варыянту пагаднення з ЕЗ.

Першапачаткова выхад каралеўства з Еўразвязу быў запланаваны на 29 сакавіка. Аднак брытанскія дэпутаты двойчы адхілілі ўгоду Тэрэзы Мэй з Брусэлем. Пры гэтым парламент таксама прагаласаваў супраць выхаду з ЕЗ без пагаднення і выказаўся на карысць пераносу брэксіту.

У Брусэлі мяркуюць, што адтэрміноўка Брэксіту непрымальная без канкрэтнага плана з боку брытанскага ўрада. Акрамя гэтага, для пераносу даты патрабуецца згода ўсіх краін - сябраў ЕЗ.

Напісаць каментар

Таксама сачыце за акаўнтамі Charter97.org у сацыяльных сетках