Парыж пагражае накласці вета на пастанову аб адтэрміноўцы Brexit

Пра гэта заявіў французскі міністр у справах Еўропы і замежных спраў Жан-Іў Ле Дрыян.

Парыж пагражае накласці вета на развязанне аб адтэрміноўцы выхаду Вялікабрытаніі з Еўразвязу («Брэкзіту»).

Пра гэта французскі міністр у спраў Еўропы і замежных спраў Жан-Іў Ле Дрыан заявіў у Нацыянальным сходзе Францыі ў сераду, 20 сакавіка, паведамляе DW.

Калі прэм'ер-міністр Злучанага Каралеўства Тэрэза Мэй на саміце ЕЗ, што адкрываецца 21 сакавіка не дасць «дастатковых гарантый» надзейнасці сваёй стратэгіі, Парыж аддасць перавагу «Брэксіту» без заключэння пагаднення Лондана і Брусэля, падкрэсліў ён.

Раней у гэты ж дзень Тэрэза Мэй заявіла, што накіравала старшыні Еўрапейскай рады Дональду Туску ліст з просьбай адтэрмінаваць «Брэксіт» да 30 чэрвеня. У гэтым дакуменце брытанская прэм'ер-міністарка спаслалася на артыкул 50 Лісабонскай дамовы. Яго ўжыванне не выключае магчымасці сцэнару No Deal (пры якім «Брэксіт» адбудзецца без пагаднення з Брусэлем), адзначыла Мэй на выступе ў парламенце Вялікабрытаніі.

У сваю чаргу, Туск дапусціў «кароткую адтэрміноўку», калі сябры Палаты абшчын брытанскага парламента ўхваляць пагадненне пра «Брэксіт».

Бэрлін вітае просьбу Лондана пра адтэрміноўку

Урад ФРГ вітае «ясную просьбу» Лондана перанесці «Брэксіт», заявіў у гэты ж дзень афіцыйны прадстаўнік федэральнага ўрада Штэфен Зайберт. З ягоных слоў, заява Тэрэзы Мэй «напэўна» стане прадметам ажыўленых дыскусій у Еўрапейскай радзе. Між іншым, Зайберт назваў магчымы ўдзел брытанцаў у выбарах дэпутатаў Еўрапарламента ў канцы траўня «адным з пытанняў, якое патрабуе адказу».

Канцлерка ФРГ Ангела Мэркель да заканчэння 29 сакавіка будзе выступаць за спарадкаваны «Брэксіт», адзначыў ён. На думку афіцыйнага Бэрліна, ніводны з бакоў не зацікаўлены ў выхадзе Вялікабрытаніі са складу ЕЗ без пагаднення з Брусэлем.

Разам з тым кіраўнік МЗС ФРГ Хайка Мас заклікаў Лондан растлумачыць сваю пазіцыю. «Мы заўсёды сцвярджалі, што калі радзе давядзецца прымаць рашэнне аб адтэрміноўцы «Брэксіта» для Вялікабрытаніі, то мы хацелі б ведаць - чаму», заявіў міністр замежных спраў Нямеччыны.

Брытанскі парламент прагаласаваў за адтэрміноўку

14 сакавіка брытанскі парламент значнай большасцю прагаласаваў за адтэрміноўку «Брэксіту». Дэпутаты дагэтуль не змаглі ратыфікаваць дамову аб парадку выхаду Злучанага Каралеўства з ЕЗ, узгоднены Тэрэзай Мэй з Брусэлем. Згодна з першапачатковым планам, Вялікабрытанія павінна выйсці са складу Еўразвязу 29 сакавіка.