Пампэа: ЗША і Ізраіль будуць супрацьстаяць Расеі, Ірану ды Кітаю
- 21.03.2019, 12:32
- 6,071
Дзяржсакратар ЗША сустрэўся з Нетаньяху.
ЗША і Ізраіль будуць супрацьстаяць актыўнасці Расеі, Ірана ды Кітая, заявіў дзяржсакратар Майк Пампэа падчас візіту ў Ерусалім.
"Будуць абмяркоўвацца нашы намаганні ў барацьбе з Іранам, Расеяй і Кітаем, і мы ўжо мелі магчымасць абмеркаваць гэта некалькі хвілін таму", - сказаў ён пасля сустрэчы з прэм'ер-міністрам Ізраіля Беньямінам Нетаньяху, піша Укрінфарм.
Пампэа дадаў, што плануе таксама сустрэчы з прадстаўнікамі Грэцыі і Кіпра для абмеркавання шляхоў энэргетычнай бяспекі, а таксама дыверсіфікацыі энэргапаставак ў рэгіён Усходняга Міжземнамор'я.
Раней дырэктар нацыянальнай выведкі ЗША Дэн Коўтс заявіў, што Расея, Кітай ды Іран спрабавалі паўплываць на прамежкавыя выбары ў Злучаных Штатах, якія праводзіліся ў лістападзе 2018 года.