Беларусы ў 2019 годзе будуць кампенсаваць 80,5% выдаткаў на жыллёва-камунальныя паслугі
16- 21.03.2019, 19:12
- 14,598
У электраэнэргіі – 100%.
Жыхары Беларусі ў 2019 годзе будуць кампенсаваць блізу 80,5% выдаткаў на жыллёва-камунальныя паслугі з улікам павышэння тарыфаў з 1 студзеня, паведаміў сёння на прэс-канферэнцыі намеснік кіраўніка ўправы паліўна-энэргетычнага комплексу, нафтахіміі і жыллёва-камунальнай гаспадаркі Міністэрства антыманапольнага рэгулявання і гандлю Беларусі Дзмітрый Бурдзюгоў, паведамляе БелТА.
"Ужо пралічана, што на 2019 г. з улікам павелічэння тарыфаў з 1 студзеня сярэдні адсотак кампенсацыі ва ўсім комплексе жыллёва-камунальных паслуг будзе 80,5%, у электраэнэргіі – 100%", – адзначыў Дзмітрый Бурдзюгоў.
Што тычыцца газазабеспячэння, то стоадсоткавае пакрыццё выдаткаў будзе забяспечанае толькі ў газавых плітах. У цеплавой энэргіі, якая выдаткоўваецца на апал, гаворка ідзе пра кампенсацыю насельніцтвам да 20% выдаткаў. "Гэта ацэнкавыя паказнікі, якія будуць удакладненыя ў канцы года", – сказаў Дзмітрый Бурдзюгоў.
Адзначым, на думку шэрагу экспертаў, беларусы ўжо аплачваюць 100 адсоткаў ЖКП.