Турчынаў падтрымаў Парашэнку на выбарах прэзідэнта Украіны
14- 22.03.2019, 11:05
- 9,231
Сакратар РНБА лічыць, што «дзейны прэзідэнт - самы падрыхтаваны з кандыдатаў».
Сакратар Рады нацыянальнай бяспекі і абароны Аляксандр Турчынаў заявіў аб падтрымцы Пятра Парашэнкі на выбарах прэзідэнта 31 сакавіка.
Як паведамляе censor.net, пра гэта ён сказаў у інтэрв'ю тэлеканалу "1+1".
"Я мяркую, што на сённяшні дзень Пятро Аляксеевіч Парашэнка - найбольш падрыхтаваны кандыдат", - адказаў Турчынаў на пытанне пра тое, каго ён падтрымлівае на выбарах прэзідэнта.
Пры гэтым сакратар РНБА паведаміў, што з Юліяй Цімашэнка не кантактуе з 2014 года.
Акрамя таго, Турчынаў сказаў, што пазітыўна ставіцца да Уладзіміра Зяленскага і падкрэсліў, што доўгі час працаваў у горадзе Крывы Рог, адкуль родам артыст.
Таксама сакратар РНБА адзначыў, што не мае намеру ўдзельнічаць у парламенцкіх выбарах увосень гэтага года.