Гуайдо абмеркаваў з вайскоўцамі пытанне змены ўлады ў Венесуэле
3- 23.03.2019, 17:33
- 12,500
Паводле ацэнак Гуайдо, ад 80 да 85% вайскоўцаў «перакананыя ў неабходнасці пераменаў у Венесуэле.
Хуан Гуайдо, які абвясціў сябе часовым прэзідэнтам Венесуэлы, у інтэрв'ю Reuters распавёў, што яго прыхільнікі абмяркоўвалі пытанне змены ўлады ў краіне з высокапастаўленымі вайскоўцамі. Паводле ацэнак Гуайдо, ад 80 да 85% вайскоўцаў «перакананыя ў неабходнасці пераменаў у Венесуэле», паведамляе РБК.
Дыктатар Венесуэлы Нікалас Мадура страціў здольнасць «фінансаваць палітычны шантаж» для ўтрымання ўлады, дзякуючы ціску з боку замежных дзяржаў. «Спрацаваў дыпламатычны ціск, эканамічны ціск і ціск на актывы», - сказаў Гуайдо.
Напярэдадні Гуайдо паведаміў, што ягоныя прыхільнікі рыхтуюць аперацыю «Свабода» па захопу ўлады ў Венесуэле. Падставай для правядзення аперацыі стала затрыманне кіраўніка апарата лідара апазіцыі Раберта Марэра.