Расеец спрабаваў вывезці з Інданэзіі арангутана ў куфры
10- 23.03.2019, 18:30
- 14,233
Акрамя арангутанга, у багажы расейца знайшлі двух геконаў і пяць яшчарак.
Грамадзянін Расеі Андрэй Жасткоў быў затрыманы ў аэрапорце Нгура Раі на Балі, Інданэзія, за спробу нелегальна вывезці з краіны арангутана ў куфры.
Пра гэта піша nv.ua са спасылкай на Reuters.
Затрыманы меў ляцець у Расею.
Двухгадовага самца арангутана выявілі падчас сканавання багажу. Са слоў паліцыянтаў, жывёліну, напэўна, нашпігавалі сонным сродкам і паклалі ў куфар.
Акрамя арангутанга, у багажы Жасткова знайшлі двух геконаў і пяць яшчарак.
Ніякіх абвінавачванняў расейцу пакуль не выставілі.
Улады Інданэзіі спрабуюць змагацца з нелегальным гандлем дзікай жывёлай, аднак ён застаецца вельмі распаўсюджаным у краіне.