Тысячы дэманстрантаў у Бялградзе запатрабавалі адстаўкі прэзідэнта

Акцыі прайшлі і ў іншых гарадах Сербіі.

У Бялградзе шостым разам адбылася акцыя пратэсту «Адзін на пяць мільёнаў», удзельнікі якой запатрабавалі адстаўкі прэзідэнта Сербіі Аляксандра Вучыча, прэм'ер-міністаркі Аны Брнабіч, спікеркі парламента Маі Гайковіч і кіраўніцтва дзяржтэлерадыёкампаніі РТС, паведамляе РБК.

Аналагічныя акцыі пратэсту таксама адбыліся ў іншых гарадах краіны. Самыя шматлікія, паводле звестак Kurir, прайшлі ў Крагуеваце, Ковіне, Србобране, Смедзярэска-Паланка і Бачка-Паланка.

Назва акцыі з'яўляецца своеасаблівым адказам Аляксандру Вучычу, які раней абвясціў, што не зменіць сваю палітыку, «нават калі 5 млн чалавек выйдуць на вуліцы».

У Бялградзе апошняя акцыя пад такой назвай пачалася ў суботу, а 18:00 паводле мясцовага часу. Удзельнікі маршам прайшлі ад плошчы ля філасофскага факультэта (там перад імі выступілі актор Браніслаў Лечыч і генерал у адстаўцы Срэта Маліновіч) праз македонскую і Светагорскую вуліцу да будынка РТС.

Лечыч падчас свайго выступу заявіў, што патрабаваннямі дэманстрантаў з'яўляюцца адстаўка Вучыча, Брнабіч і Гайковіч, а таксама звальненне кіраўніцтва РТС. Акрамя таго, ад уладаў ён запатрабаваў забеспячэння «сумленных выбараў на працягу [найбліжэйшых] шасці-дзевяці месяцаў». У выпадку, калі гэтыя патрабаванні не будуць выкананыя, «уся Сербія збярэцца ў Бялградзе ў суботу, 13 траўня», прыгразіў Лечыч.

Каля будынка РТС перад прысутнымі пасля выступілі тыя, каго на мінулым тыдні затрымалі за акцыю ў будынку тэлерадыёкампаніі. Пратэстоўцы тады выціснулі ахову і занялі памяшканне рэдакцыі. Ад супрацоўнікаў канала яны запатрабавалі даць ім некалькі хвілін эфіру, аднак тыя адмовіліся. Мітынгоўцаў з будынка РТС вывела паліцыя. 23 сакавіка на шэсці ўдзельнікі гэтых падзей заявілі, што ўлады тады збівалі студэнтаў, збіваючы іх з лесвіцы. Жандары, з іх слоў, злоўжывалі сваімі паўнамоцтвамі.

Тыдзень таму ў рамках аналагічнай акцыі група дэманстрантаў на чале з лідарамі апазіцыі ўварвалася ў будынак нацыянальнай тэлерадыёкампаніі Сербіі. Яго пратэстоўцы трымалі пад сваім кантролем некалькі гадзін. У выніку дэманстрантаў з будынка аднаго за адным вывела паліцыя. Каля паўночы акцыя канчаткова завяршылася.