21 лiпеня 2019, Нядзеля, 8:37
Мы ў адной лодцы
Рубрыкі

Амбасадар ЗША звярнулася да ўкраінцаў перад выбарамі

1
Мары Евановіч

Амерыканская дыпламатка патлумачыла, як працуе сапраўдная дэмакратыя.

Амбасадарка ЗША ва Украіне Мары Евановіч заклікала украінцаў узяць удзел у выбарах прэзідэнта 31 сакавіка і зрабіць свой унёсак ва ўкраінскую дэмакратыю, піша «Униан».

Відэазварот дыпламаткі апублікаваны ў Facebook Амбасады ЗША ва Украіне.

«Калі вы ўсё яшчэ не плануеце галасаваць на выбарах, я заклікаю вас зрабіць гэта. Дэмакратыя працуе толькі пры ўмове актыўнага ўдзелу грамадзян. І выбары - гэта тое, як мы вызначаем, хто будзе нашымі лідарамі, і мы гаворым ім, што чакаем ад іх дзеянняў», - адзначыла Евановіч.

Дыпламатка нагадала, што была прызначаная паслом ва Украіну экс-прэзідэнтам ЗША Баракам Абамам, але пасля абрання Трампа захавала сваю пасаду і рэалізуе палітыку новага прэзідэнта.

«Гэта і ёсць адная з прыкмет сапраўднай дэмакратыі. Пасля выбараў, хоць у выпадку перавыбрання цяперашняга прэзідэнта, хоць з прыходам новага, грамадзяне аб'ядноўваюцца і пацвярджаюць сваю падтрымку дзяржавы і волі выбарцаў», - паказала яна.

«ЗША падтрымліваюць народ Украіны ў чаканні свабодных, справядлівых і бяспечных выбараў, якія адбудуцца ва Украіне на наступным тыдні. І мы заклікаем украінскую ўладу, грамадзянская супольнасць і ўсіх грамадзян унесці свой уклад ва ўкраінскую дэмакратыю», - сказала на заканчэнне Евановіч.