З Сафійскага сабора ў Стамбуле могуць зноў зрабіць мячэць

З такой прапановай выступіў прэзідэнт Турцыі Раджэп Эрдаган.

Прэзідэнт Турцыі Раджэп Таіп Эрдаган заявіў, што Сафійскі сабор, які быў пабудаваны ў часы Візантыі, і цяпер з'яўляецца музеем, можа зноў стаць мячэццю.

Пра гэта паведамляе «Европейская правда» са спасылкай на Hurriyet daily news.

«Гэта не з'яўляецца ненармальнай прапановай. Гэта не штосьці немагчымае, гэта можна зрабіць лёгка. Мы маглі б нават назваць яе мячэццю Ая-Сафія замест музея, і яе можна было б наведаць цалкам бясплатна», - сказаў Эрдаган.

З ягоных слоў, статус музея з Сафійскага сабора зняць вельмі лёгка. Пры гэтым Эрдаган нагадаў, што статус музея Ая-Сафіі быў прадстаўлены Рэспубліканскай народнай партыяй - найстарэйшай у Турцыі, якая займае левацэнтрысцкія пазіцыі і цяпер знаходзіцца ў апазіцыі.

Эрдаган таксама адзначыў, што іншыя гістарычныя мячэці ў Стамбуле, такія як Блакітная мячэць, адкрытыя для ўсіх наведвальнікаў і прыхільнікаў бясплатна.

Пабудаваны ў 6 стагоддзі Візантыйскай імперыяй, Сафійскі сабор быў цэнтральным для Грэцкай Праваслаўнай Царквы цягам 916 гадоў і ператвораны ў мячэць пасля асманскай заваёвы Канстанцінопаля ў 1453 годзе. Мячэццю Ая-Сафія была да 1935 года.