Наталля Радзіна: Можа, пара скончыць з гэтым маразмам?

Кожны, хто адзначае Дзень Волі, хто разумее яго значнасць, павінен задаць сабе адно простае пытанне.

Ніякага святочнага настрою ў мяне сёння няма. Вядома, 101 год незалежнасці - гэта цудоўна і важна. Але на душы цяжка. Таму што людзей хапаюць і арыштоўваюць другі дзень запар, міліцыя дзяжурыць ля дамоў актывістаў, камунальнікі зрываюць бел-чырвона-белыя сцягі з вокнаў, увесь цэнтр Менска наводнены АМАПам, міліцыяй і спецслужбамі. Верх абсурду - за канцэрт незалежнасці арыштавалі музыкаў!

Мне здаецца, што сёння кожны, хто адзначае гэтае свята, хто разумее яго значнасць, павінен не толькі паставіць у «Фэйсбук» фота з бел-чырвона-белым сцягам або стужачкай, а задаць сабе адно простае пытанне: а што канкрэтнае я магу зрабіць, каб скончыць з гэтым маразмам, што доўжыцца 25 гадоў?

Наталля Радзіна, Facebook