ЗША перакінулі на Аляску суперэсмінец
- 26.03.2019, 11:10
- 11,195
Амерыканскія ВМС умацоўваюць пазіцыі ў Арктыцы, у процівагу Кітаю і РФ.
Суперэсмінец DDG-1000 Zumwalt ВМС ЗША адправіўся ў першае самастойнае плаванне. У нядзелю 24 сакавіка карабель быў заўважаны ў порце горада Кетчыкан, што на Алясцы. На борце самага сучаснага карабля пабываў карэспандэнт агенцтва Defense News Крыс Кавас (пераклад - tut.by).
Падчас стаянкі вайскоўцы арганізавалі для прэсы экскурсію па караблі, паказалі камандную рубку эсмінца. Крыс Кавас адзначае, што ў 2016 годзе фатаграфаваць ўнутры эсмінца забаранялі, а за ўсімі дзеяннямі журналістаў сачылі вайскоўцы.
#Destroyer #ZUMWALT #DDG1000 open for visitors Sunday 24 March at #Ketchikan, Alaska. In early 2016 the entire interior of this ship was classified; when I was underway in Feb 2016 a party of 5 accompanied me at all times - and no pics then of the innovative bridge layout. pic.twitter.com/fsa3wblKRA
— Chris Cavas (@CavasShips) 26 марта 2019 г.
Вайсковыя караблі ЗША даўно не заходзілі ў гэты порт. Апошні візіт здзейсніў у 2005 годзе амфібійны транспартны док класа Осцін USS Ogden.
Газета The Wall Street Journal пісала, што амерыканскія ВМС маюць намер умацаваць пазіцыі ЗША ў Арктыцы, гэта звязана з дзейнасцю Кітая і Расеі ў рэгіёне. Дарэчы, раней на Алясцы знаходзілася вайсковая база, з дапамогай якой ЗША сачылі за савецкай марской флатыліяй.
Zumwalt - самы вялікі (водазмяшчэнне блізу 15 тысяч тон) і самы непрыкметны эсмінец ў свеце. Нягледзячы на даўжыню амаль на 200 м, ён у 50 разоў менш прыкметны, чым звычайныя караблі. Нябачнасць дасягаецца дзякуючы спецыяльнай форме корпуса, матэрыялам, якія выкарыстоўваюцца пры пабудове карабля, і нанясенні радыёпаглынальныя пакрыцця.