21 лiпеня 2019, Нядзеля, 8:35
Мы ў адной лодцы
Рубрыкі

Лукашэнка параўнаў кароўнікі пад Шкловам з Асвенцімам

ІЛЮСТРАЦЫЙНАЕ ФОТА

Дыктатар адзначыўся абразлівым параўнаннем.

26 сакавіка Лукашэнка наведаў малочнатаварны комплекс «Сліж» ААТ «Амкадор-Шклоў», якое ўваходзіць у структуру аграхолдынга «Купалаўскае», паведамляе прэс-служба Лукашэнкі.

Пабываўшы ў некалькіх кароўніках, Аляксандр Лукашэнка здзівіўся ўмовам, у якіх утрымліваюцца жывёлы, а таксама адсутнасцю парадку ў вытворчых памяшканнях. «Калі чалавек не разумее, што гэта Асвенцім, а вы яго ставіце кіраўніком холдынгу (ТАА «Купалаўская». - заўв.), я вас наогул не разумею», - абурыўся ён.

«Колькі комплекс працуе? Два гады? А мне здаецца, што гадоў дзесяць, - сказаў Аляксандр Лукашэнка. - Тут ніколі ніхто не прыбірае па-чалавечы».

Асвенцімам (ад назвы польскага горада) называюць комплекс нямецкіх лагераў смерці Аўшвіц-Біркенаў, дзе падчас Другой сусветнай вайны забілі і замучылі больш за мільён чалавек. Большасць - за тое, што былі габрэямі паводле паходжання.

Нагадаем, што Лукашэнка не першы раз адрозніваецца параўнаннямі і заявамі, якія можна расцэньваць, як тыя, што прыніжаюць памяць і абражаюць прадстаўнікоў іншых нацыянальнасцяў.