21 красавiка 2019, Нядзеля, 8:14
За нашу і вашу свабоду!
Рубрыкі

Лукашэнка звольніў губернатара Магілёўскай вобласці Уладзіміра Даманеўскага

79

Паніжаны на пасадах цэлы шэраг чыноўнікаў.

Падчас візіту ў аграхолдынг «Купалаўская» ў Шклоўскім раёне Магілёўскай вобласці Лукашэнка даручыў зняць усіх вінаватых праз «незабеспячэнне належных умоў гаспадарання і вытворчай дысцыпліны ў аграхолдынгу «Купалаўскае», паведамляе БелТА.

«Каб на стале ляжаў спіс усіх, хто мяне тут суправаджаў. Акрамя губернатара і іншых, тут яшчэ былі канкрэтныя людзі, якія павінны былі за гэта адказваць, - сказаў беларускі дыктатар. - Леанід Васільевіч (Леанід Анфімаў, старшыня Камітэта дзяржкантролю), распачаць крымінальную справу па ўсёй строгасці закона. Вінаваты - кайданкі і адразу ў следчы ізалятар».

На месцы былі паніжаныя на пасадах:

Старшыня Шклоўскага райвыканкама Васіль Віцюноў стаў кіраўніком аграхолдынга «Купалаўскае».

Памочнік Лукашэнкі ў Магілёўскай вобласці Генадзь Лаўранкоў будзе выконваць абавязкі старшыні Шклоўскага райвыканкама.

Нарэшце, выконваць абавязкі старшыні Магілёўскага аблвыканкама пакуль будзе ягоны цяперашні першы намеснік Мікалай Кароцін.

Старшыня Магілёўскага аблвыканкама Уладзімір Даманеўскі адпраўлены ў адстаўку.