У Літве за адмову ад старога аўто будуць плаціць некалькі сотняў еўраў

Такім спосабам кампенсуюць жыхарам, якія адмовіліся ад аўтамабіляў, выдаткі на грамадскі транспарт.

Пакуль у Літве плануюць плаціць за адмову ад старога аўтамабіля аднаразовую выплату сумай некалькіх соцень еўраў, у Вялікай Брытаніі за адмову ад аўто будуць плаціць 3000 фунтаў стэрлінгаў на год (3500 еўраў), піша delfi.lt.

Так у Вялікай Брытаніі агучваюць праграму, якая павінна кампенсаваць жыхарам, якія адмовіліся ад аўтамабіляў, выдаткі на грамадскі транспарт.

Кіроўцам будуць плаціць 3000 фунтаў на год, калі яны пагодзяцца змяніць аўтамабіль на грамадскі транспарт. Так урад мае намер змагацца з вялікай колькасцю аўтамабіляў і забруджваннем паветра.

Выданне Times паведамляе, што сёлета запускаюць выпрабавальную праграму, грошы будуць выплачваць кіроўцам, якія адмовіліся ад аўтамабіля на карысць грамадскага транспарту, арэнды электрааўтамабіля або ровара - плаціць будуць 2000 фунтаў стэрлінгаў (блізу 2300 еўраў) і 3000 фунтаў стэрлінгаў (3500 еўраў).

Удзельнікам праграмы грошы пералічаць на рахунак мабільнага дадатку, іх можна будзе марнаваць на розны экалагічны транспарт.

Гэты праект каштавацьме 20 млн фунтаў стэрлінгаў (23,4 млн еўра) і пачнуць яго ажыццяўляць у Кавентры, потым - у Заходнім Мідлендсе (12 муніцыпалітэтаў), а потым і ў іншых частках краіны, калі выпрабаванне пакажа, што ідэя паспяховая.

Спадзяюцца, што падчас выпрабавальнага тэрміну такой магчымасцю скарыстаюцца блізу 100 кіроўцаў.

Калі праграма апраўдае сябе, то будзе ўведзеная ва ўсёй краіне на ўвесь час.