Фотафакт: Тры аўтамабілі сутыкнуліся ў Менску
- 4.03.2019, 16:56
- 11,817
Адзін з іх знёс святлафор.
Тры аўтамабілі сутыкнуліся 3 сакавіка на кругавой развязцы Ванеева - Ракасоўскага ў сталіцы. Пра гэта tut.by паведамілі ў ДАІ Менска.
Паводле інфармацыі інспектараў, кіроўца Peugeot ехаў з боку вуліцы Трасцянецкай у кірунку праспекта Ракасоўскага і на скрыжаванні з вуліцай Ванеева пры руху па дадатковай секцыі святлафора з асноўным чырвоным не саступіў дарогу Opel Insignia, які рухаўся па Ванеева на зялёны сігнал святлафора. Ад удару Opel адкінула на Volkswagen Polo, што рухаўся ў спадарожным кірунку. Апошні, у сваю чаргу, здзейсніў наезд на святлафорны аб'ект.
У выніку ДТЗ транспартныя сродкі атрымалі механічныя пашкоджанні. Пацярпелых у аварыі няма.