Ва Уладзіміры памёр удзельнік конкурсу ў паяданні бліноў
25- 9.03.2019, 14:51
- 37,359
Інцыдэнт адбыўся на адной з гарадскіх масленічных пляцовак.
Ва Уладзіміры памёр мужчына, які ўдзельнічаў у конкурсе паядання бліноў, паведамляе «Зебра ТБ» са спасылкай на крыніцы.
Інцыдэнт адбыўся на адной з гарадскіх масленічных пляцовак. Са слоў відавочцаў, аднаму з удзельнікаў стала дрэнна, ён зваліўся на зямлю.
Спробы навакольных надаць яму першую дапамогу не ўвянчаліся поспехам, хуткая, якая прыехала, канстатавала смерць.
Пакуль невядома, ці нябожчык падавіўся бліном ці ж прычынай смерці стала нешта іншае. У праваахоўных органах заклікалі дачакацца вынікаў ускрыцця.