24 чэрвеня 2019, панядзелак, 15:39
Мы ў адной лодцы
Рубрыкі

Заўтра ў Беларусі зноў падаражэе паліва

15

Гэта трэцяе змяненне коштаў аўтамабільнага паліва сёлета.

З 10 сакавіка ў Беларусі зноў змяняюцца раздробныя кошты аўтамабільнага паліва. Пра гэта паведамілі ў прэс-службе «Белнафтахіма», піша tut.by.

Ва ўстанове распавялі, што раздробныя кошты дызельнага паліва і аўтамабільнага бензіну павялічацца на 1 капейку. З 10 сакавіка кошт 1 літра бензіну АІ-92-К5-Еўра складзе 1 рубель 46 капеек, АІ-95-К5-Еўра - 1 рубель 57 капеек, АІ-98-К5-Еўра - 1 рубель 78 капеек, ДТ - 1 рубель 57 капеек.

Гэта трэцяе змяненне коштаў аўтамабільнага паліва сёлета. Апошні раз кошт паліва змяняўся 3 сакавіка: бензін і дызпаліва падаражэлі на 1 капейку. Нагадаем, у 2018 годзе кошты паліва мяняліся 27 разоў, што ў «Белнафтахіме» тлумачылі неабходнасцю «кампенсацыі выдаткаў НПЗ для набыцця вуглевадароднай сыравіны».