Відэафакт: У ЗША прадэманстравалі робата Grizzly для амерыканскіх вайскоўцаў

Пастаўку робата ў часткі маюць намер пачаць ужо ў 2020 годзе.

Амерыканская кампанія Textron Inc. прадэманстравала робата Grizzly, прызначанага для войска ЗША, піша unian.net.

Як паведамляе Naked-science, апарат мае гібрыдную дызель-электрычную сілавую ўстаноўку, якая дазваляе яму дзейнічаць у цяжкадаступных месцах, забяспечваючы, са слоў распрацоўшчыкаў, шырокі дыяпазон задач, а таксама высокую надзейнасць і мабільнасць. Мяркуецца, што Grizzly дасць магчымасць павысіць баяздольнасць войска ЗША, забяспечыўшы яму магчымасць транспартаваць вялікія грузы на істотныя адлегласці. Кіраваць робатам можна выдалена - на адлегласці да некалькіх кіламетраў. Таксама для гэтага можна выкарыстоўваць кантролер унутры самой машыны. Акрамя таго, робат абсталяваны відэакамерамі. Пастаўку робата ў часткі маюць намер пачаць ужо ў 2020 годзе.