Міністр-камуніст Карпенка зноў трапіў пад раздачу

Лукашэнка раскрытыкаваў прапанову міністра адукацыі.

Лукашэнка сёння на сустрэчы з прадстаўнікамі IT-супольнасці пракаментаваў прапанову міністэрства адукацыі аб увядзенні ва ўстановах адукацыі штата ахоўнікаў і пасады намесніка дырэктара ў бяспецы, паведамляе БелТА.

«Сёння цуды чытаю ў нейкім СМІ (я разбіраўся з урадам): міністр адукацыі нейкія распараджэнні выдаў, што настаўнік павінен прыходзіць у школу не раней, чым за 30 хвілін да пачатку ўрокаў і сыходзіць не пазней, чым 30 хвілін пасля заканчэння, увесці намесніка дырэктара ў бяспецы і кучу ахоўнікаў у школе. Паўстае пытанне, хто самыя галоўныя ахоўнікі ў школе? Настаўнікі. Так было ў нас заўсёды», - сказаў Лукашэнка.

Ён падкрэсліў, што кіраўніцтва школы і педагогі павінны займацца ў тым ліку і гэтымі пытаннямі. Аднак некаторыя настаўнікі, на думку Лукашэнкі, нават не выходзяць са сваіх кабінетаў у калідор. «Акрамя адукацыі, яшчэ і выхоўваць трэба. Выхаванне і адукацыя - адзіныя працэсы», - упэўнены ён.