У працы Facebook, Instagram і WhatsApp адбыліся глабальныя збоі
- 14.04.2019, 18:31
- 9,605
Праблемы з доступам да сацыяльных сетак закранулі многія раёны свету.
У працы трох сацыяльных сетак - Facebook, Instagram і WhatsApp - у нядзелю адбыўся збой, які, між іншым, адбіўся на мэсэнджары Facebook, паведамляе
Паводле звестак сайта Downdetector.com, адсочвае адключэнне інтэрнэт-рэсурсаў, збоі Facebook пачаліся а 06:30 па амерыканскім усходнім часе (13:30 паводле беларускага часу) і закранулі многія раёны свету. Тысячы паведамленняў пра праблемы з доступам паступілі, у асноўным, з паўночнага ўсходу ЗША, з Еўропы і з Філіпін.
Нармальная праца сацыяльнай сеткі для большасці карыстальнікаў, мяркуючы па ўсім, была адноўлена да 9 гадзін раніцы паводле амерыканскага ўсходняга часе (16 гадзін паводле беларускага часу).
Агенцтва Associated Press накіравала ў Facebook ліст з просьбай пракаментаваць прычыны збою.
Хэштэг #FacebookDown, #instagramdown і #whatsappdown выйшлі ў трэнды ў «Твітэры».
Нагадаем, што Facebook набыў Instagram у 2012 годзе, а WhatsApp - у 2014-м.
На сайце Facebook гаворыцца, што колькасць актыўных штодзённых карыстальнікаў сацыяльнай сеткі перавышае 1,52 мільярда.