29 сакавiка 2024, Пятніца, 11:33
Падтрымайце
сайт
Сім сім,
Хартыя 97!
Рубрыкі

У Судане прызначылі новага кіраўніка Генштаба пасля зрынання дыктатара

У Судане прызначылі новага кіраўніка Генштаба пасля зрынання дыктатара
ФОТА: AFP

Вайскоўцы скінулі суданскага кіраўніка на мінулым тыдні.

Вайсковая рада Судана прызначыла генерал-палкоўніка Хашэма Муталеба Ахмеда Бабакра кіраўніком генеральнага штаба войска афрыканскай краіны пасля таго, як там адбыўся ваенны пераварот, паведамілі ў панядзелак заходнія медыі са спасылкай на заяву рады. Пра гэта піша «Зеркало недели».

Адзначаецца, што намеснікам Бабакра стаў генерал-палкоўнік Мухамед Атман аль-Хусэйн.

11 красавіка ў Судане вайскоўцы адхілілі ад улады прэзідэнта Амара аль-Башыра, які кіраваў краінай 30 гадоў. Затым вайскоўцы сфармавалі Часовую вайсковую раду, якую ўзначаліў Авад ібн Аўф.

Амар аль-Башыр правілаў Суданам цягам 30 гадоў. Да ўлады ён прыйшоў таксама ў выніку ваеннага перавароту; за час кіравання аль-Башыра Судан ператварыўся ў карумпаваную жабрацкую краіну са спустошанай эканомікай, нягледзячы на тое, што валодае буйнымі запасамі нафты. Рэжым аль-Башыра сябраваў з Крамлём, які можа быць у пройгрышы ў выніку ваеннага перавароту - не так даўно Хартум прапаноўваў Маскве месца пад вайсковую базу на ўзбярэжжы Чырвонага мора.

Напісаць каментар

Таксама сачыце за акаўнтамі Charter97.org у сацыяльных сетках