Фіны абралі ў парламент рэкордную колькасць жанчын
1- 15.04.2019, 15:55
- 6,620
46% складу Эдускунты - гэта цяпер жанчыны.
Фіны абралі ў парламент рэкордную колькасць жанчын-дэпутатаў - 46% складу Эдускунты – гэта цяпер жанчыны (92 з 200 парламенцкіх месцаў).
Пра гэта ў Twitter паведаміла кіраўніца Дэпартамента дэмакратычнай управы і гендэрнай роўнасці ў БДІПЧ АБСЕ Ційна Кукама-Бах, паведамляе «Европейская правда».
Левыя і зялёныя партыі цяпер маюць большасць жанчын-дэпутатаў у сваёй парламенцкай групе. «Сапраўдныя фіны» і «Цэнтр» дасягнулі толькі крыху больш за 30%. Фінляндыя адной з першых краін у свеце забяспечыла магчымасць абрання жанчын у парламент. У парламенце мінулага склікання жанчыны мелі 83 месцы.
Акрамя таго, у заканадаўчы орган быў абраны 31 дэпутат да 35 гадоў.
Летачсь жанчыны займалі 30% месцаў у нацыянальных парламентах краін Еўразвязу. Гэтая дзель вырасла з 2003 года, калі гэты паказчык складаў толькі 21%.