Студэнты БДУ высмейваюць бязглуздую забарону
16- 15.04.2019, 16:38
- 62,391
Навучэнцы крэатыўна адказалі на распараджэнне кіраўніцтва ўніверсітэта.
Студэнтам БДУ забаранілі крытыкаваць універсітэт. Цяпер у сацыяльных сетках і СМІ ім нельга пакідаць каментары, якія «могуць нанесці пагрозу іміджу ўніверсітэта», піша tut.by.
У адказ студэнты запусцілі флэшмоб#хвалімБГУ, у якім з адмысловай стараннасцю дзякуюць універсітэту за «ўсё самае найлепшае»: заняткі ў праграмаванні, якія праходзяць у аўдыторыях без кампутараў, платныя адпрацоўкі і выкладчыкаў, «якія ў курсе ўсіх сучасных напрацовак у кожнай вобласці навукі». Журналісты сабралі самыя шчырыя падзякі.