Кіраўнік фірмы «Танкверт» наважыў перайменаваць яе пасля скандалу

Раней назва выклікала абурэнне ў Рассельгаснагляду.

Кіраўнік кампаніі «Танкверт» Юры Васкрасенскі заявіў, што пераймянуюць сваю фірму, назва якой выклікала абурэнне ў Рассельгаснагляду.

«З улікам ранімасці і тонкай душэўнай арганізацыі кіраўніка Рассельгаснагляду намі была прынятая пастанова аб перайменаванні кампаніі», - прыводзіць яго словы tut.by.

Васкрасенскі паведаміў, што кампанія «Танкверт» была зарэгістраваная ў жніўні 2018 года і занялася аптовым продажам малочнай прадукцыі. Пра падабенства назвы з прозвішчам кіраўніка Рассельгаснагляду Сяргея Данкверта кіраўнік фірмы з іроніяй тлумачыць: «Супадзенне».

Дырэктар кампаніі заяўляе, што Рассельгаснагляд не мае ніякіх падстаў падазраваць яго кампанію, а таксама 36 іншых беларускіх прадпрыемстваў у «падманным транзіце». З яго слоў, ведамства не праводзіла паўнавартаснае расследаванне, каб мець падставы для яго абвінавачвання. Са слоў Васкрасенскага, прадукцыю заводаў, якую Расея забараніла для паставак, кампанія возіць у Казахстан - з перагрузкай у Маскве. Усе пастаўкі, маўляў, пацвярджаюцца дакументамі. Кампанія дастаўляе груз у Маскву, а ў Казахстан яго вязуць ужо расейскія перавозчыкі.

«У міжнароднай таварна-транспартнай накладной CMR ёсць такая графа №17 «наступны перавозчык». У ёй пазначаны рэквізіты расейскіх перавозчыкаў, якія дастаўляюць прадукцыю па месцы накіравання. Калі ў Рассельгаснагляду ёсць пытанні, ён павінен запатрабаваць CMR і разбірацца ўжо з наступнымі перавозчыкамі, а не з намі», - упэўнены Васкрасенскі.

15 красавіка ён звярнуўся паводле афіцыйных каналаў у Еўразійскую эканамічную камісію (ЕЭК) і да пасла Расеі ў Беларусі Міхаіла Бабіча. Ён просіць абараніць беларускіх вытворцаў «ад незаконных патрабаванняў Рассельгаснагляду» і падкрэслівае, што дзеянні расейскага ведамства наносяць «незаменную шкоду інтэграцыі нашых краін».

Нагадаем, 12 красавіка ў Рассельгаснаглядзе заявілі, што выявілі 37 кампаній, якія ўдзельнічаюць у «падманным транзіце» з Беларусі праз тэрыторыю Расеі ў Казахстан і Кыргызстан.

У «чорным» спісе апынуліся тры кампаніі Юрыя Васкрасенскага - «Танкверт», «Кідс Мол» і «Эль Монтэ». Гэтыя кампаніі таксама займаюцца аптовым продажам малочнай прадукцыі.