У Баранавічах памаліліся ў знак салідарнасці з абаронцамі Курапатаў
5- 15.04.2019, 20:57
- 8,928
Малітва адбылася каля Крыжа пакут.
Сябры «Народнай грамады» і дэмакратычныя актывісты прыбралі тэрыторыю каля Крыжа ахвярам гвалту 1939-1953 гадоў, а потым наладзілі сумесную малітву, піша Intex-Press.
Мерапрыемства адбылося 14 красавіка каля Крыжа пакут, які стаіць на месцы былой турмы НКУС «Крывое кола».
- Увесь час за намі назіралі супрацоўнікі міліцыі. На 8 актывістаў - 8 міліцыянтаў, - распавёў Intex-press Аляксандр Швед, адзін з удзельнікаў мерапрыемства.
З ягоных слоў, інфармацыю аб правядзенні малітвы ён размясціў у сацыяльных сетках, і супрацоўнікі міліцыі, відаць, менавіта адтуль даведаліся пра мерапрыемства. Нікога з удзельнікаў малітвы міліцыянты не затрымлівалі.