Святыя рэліквіі ацалелі пры пажары ў Нотр-Даме
2- 16.04.2019, 9:03
- 12,884
У саборы захоўваўся цярновы вянок Хрыста.
Рэліквіі сабора Нотр-Дам дэ Пары, дзе ў панядзелак увечары пачаўся пажар, знаходзяцца ў бяспецы. Пра гэта са спасылкай на аднаго з пажарных паведамляе тэлеканал France-Info (пераклад - РБК).
А 20:20 мясцовага часу (21:20 Менск) супрацоўнік экстраных службаў заявіў, што фрагмент цярновага вянка Хрыста, які быў дастаўлены ў сабор ў 1239 годзе, знаходзіцца ў бяспецы. Таксама захаваная туніка караля Людовіка IX Святога, удакладняе Le Figaro са спасылкай на прадстаўніка сабора.
Пазней гэтую інфармацыю са спасылкай на аднаго святара сабора, айца Фрэдэрыка, пацвердзіў у Twitter журналіст выдання Paris Match Нікаля Дэлесаль. Усе каштоўнасці, якія знаходзіліся ўнутры сабора, у тым ліку яго скарбніца і цярновы вянок, выратаваныя, напісаў ён. Прадстаўнік сабора заявіў выданню France-Info, што рэліквіі ляжаць у скарбніцы, якая не пацярпела ад пажару.
Une bonne nouvelle : toutes les œuvres d’art ont été sauvées. Le trésor de la cathédrale est intact, la couronne d’épines, les saints sacrements. #NOTRE_DAME
— Nicolas Delesalle (@KoliaDelesalle) 15 апреля 2019 г.
Затым аб тым, што ўсе святыя прадметы засталіся цэлыя, распавяла ў сваім Twitter мэр Парыжа Анн Ідальга.
Merci aux @PompiersParis, aux policiers et aux agents municipaux qui ont réalisé ce soir une formidable chaîne humaine pour sauver les œuvres de #NotreDame. La couronne d'épines, la tunique de Saint Louis et plusieurs autres œuvres majeures sont à présent en lieu sûr. pic.twitter.com/cbrGWCbL2N
— Anne Hidalgo (@Anne_Hidalgo) 15 апреля 2019 г.
У пятніцу, 12 красавіка, удакладняе Le Figaro, фрагмент цярновага вянка знаходзіўся ў рызніцы. Як атрымалася выратаваць святыя прадметы, французскія СМІ не тлумачаць.
Прадстаўнік сабора Андрэ Фено раней сцвярджаў, што ўсе драўляныя інтэр'еры сабора, хутчэй за ўсё, знішчаныя.
Пажар у саборы Парыжскай Божай Маці ў сталіцы Францыі адбыўся ўвечары 15 красавіка. Паводле папярэдніх звестак, гэта адбылося праз рэстаўрацыйныя работы. У будынку абрынуўся усталяваны ў XIX стагоддзі шпіль і дах, затым агонь перакінуўся на паўночную вежу сабора.
