Да гмаху, які будуюць сербскія сябры Лукашэнкі, дадалі яшчэ два паверхі
13- 16.04.2019, 12:22
- 23,568
Сталічныя архітэктары называюць гэты будынак здзекам з гісторыі.
На Кастрычніцкай плошчы ў цэнтры Менска працягваецца будаўніцтва офісна-гандлёвага цэнтра "БК Капітал". Сталічныя архітэктары ўжо называлі гэты гмах, якую будуюць на месцы музея Вялікай Айчыннай вайны, "смерцю беларускай архітэктуры" і "здзекам з гісторыі", піша "Еўрарадыё".
У канцы студзеня 2019 года з'явіліся навіны, што "БК Капітал" дасягнуў фінальнай вышыні. Бізнэс-цэнтр быў вышэйшы за Палаца прафсаюзаў і супастаўным вышынёй з офісным будынкам на Інтэрнацыянальнай, 36. Але 15 красавіка карыстальнік твітару Čyz заўважыў, што з адваротнага боку новабуд... непрыкметна вырас яшчэ на два паверхі!
Ахаха
— Čyz (@Alex_Cheese) 15 апреля 2019 г.
Яны і так фасад завялікі зрабілі, дык яшчэ ззаду панадбудавалі
Выціскаюць усё што могуць pic.twitter.com/qxd4rL7FWO
Бізнэс-цэнтр на Кастрычніцкай плошчы будуецца на замову кампаніі "Белінтэ-Роба", якая ўваходзіць у Dana Holdings братоў Карычаў. Сербская кампанія актыўна забудоўвае Менск: сярод яе праектаў - комплекс "Маяк Менска" каля Нацыянальнай бібліятэкі, буйны гандлёвы цэнтр "Дана Мол" на станцыі метро "Усход", комплекс "Менск-Мір" у раёне вуліцы Аэрадромная.
У будынку бізнэс-цэнтра на Кастрычніцкай плошчы будуць размяшчацца гандлёвыя плошчы, офісы, апартаменты і рэстарацыя з агляднай тэрасай на даху.