Хуан Гуайдо вітаў дастаўку гуманітарнай дапамогі ў Вэнэсуэлу
2- 17.04.2019, 10:59
- 8,453
ФОТА: BLOOMBERG
Дапамога Чырвонага Крыжа ўключае 24 тоны медыкаментаў, а таксама 14 энэргетычных установак для шпіталяў у варунках блэкаўту.
Першая партыя гуманітарнай дапамогі Чырвонага Крыжа дастаўленая ў аўторак, 16 красавіка, у Вэнэсуэлу, паведамляе dw.com.
"Гэта вялікі крок наперад у падтрымцы неабароненых жыхароў гэтай краіны", - адзначыў у Twitter прэзідэнт Міжнароднага руху Чырвонага Крыжа і Чырвонага Паўмесяца Франчэска Рокка.
Happening NOW - Our @ifrc first consignment of medicines, medical supplies and equipment has arrived in #Venezuela. This is a great step forward to support vulnerable people in the country! https://t.co/7CGf7M1Jdu
— Francesco Rocca (@Francescorocca) 16 апреля 2019 г.
Мадура пагадзіўся на пастаўкі на мінулым тыдні. Раней ён неаднаразова сцвярджаў, што ініцыятыва з'яўляецца ўмяшаннем, накіраваным супраць урада краіны.
Спрэчка вакол паставак вялася паміж дыктатарам Вэнэсуэлы і прэзідэнтам краіны Хуанам Гуайдо. Абедзве стараны канфлікту абвінавачваюць адна адну ў спробах палітызаваць гуманітарны крызіс.
Гуайдо 16 красавіка вітаў дастаўку дапамогі і заклікаў пакласці канец кіраванню Мадуры, якога ўважае за вінаватага ў гуманітарнай катастрофы.
"Цяпер мы маем гарантаваць, што дапамогу атрымаюць тыя, хто ў ёй больш за ўсё мае патрэбу, і яна не стане выкарыстоўвацца для шантажу", - напісаў Гуайдо.
Hoy es un día de logros para todos los venezolanos y de gran derrota para el usurpador.
— Juan Guaidó (@jguaido) 16 апреля 2019 г.
Hoy ingresó un avión con #AyudaHumanitaria para beneficiar a algunos venezolanos en riesgo de muerte, a pesar de un régimen inhumano.
Solo el cese de la usurpación resolverá la emergencia
Як растлумачыў міністр аховы здароўя краіны Карлас Альварада, дапамога змяшчала 24 тоны медыкаментаў, а таксама 14 энэргетычных установак для падтрымання дзейнасці васьмі шпіталяў і 30 амбулаторый у варунках блэкаўту.
Чвэрць вэнэсуэльцаў маюць патрэбу ў неадкладнай дапамозе
Паводле звестак ААН амаль чвэрць з 30 мільёнаў вэнэсуэльцаў маюць патрэбу ў неадкладнай дапамозе. Блізу 3,7 мільёна жыхароў краіны знясіленыя з прычыны недастатковага харчавання, не менш за 22% дзяцей да 5 гадоў пакутуюць ад хранічнага недаядання, гаворыцца ў адной з апошніх справаздач арганізацыі.
З пачатку года Вэнэсуэла знаходзіцца ў глыбокім палітычным і сацыяльным крызісе. Пасля таго як 22 студзеня Мадура зноў заняў пасаду прэзідэнта, у краіне пачаліся актыўныя палітычныя пратэсты. Днём пазней старшыня парламента Вэнэсуэлы
Хуан Гуайдо абвясціў сябе выканаўцам абавязкаў прэзідэнта. Легітымнасць лідэрства Гуйадо прызнала большасць краін Еўразвязу, а таксама ЗША, Канада, Аўстралія, частка краін Лацінскай Амэрыкі і Арганізацыя амэрыканскіх дзяржаў.
