Джолі змяніла прозвішча пасля разводу
4- 17.04.2019, 11:08
- 10,746
Актрыса пазбавілася ад падвойнага прозвішчы з прыстаўкай Піт, якую ўзяла пасля шлюбу ў 2014 годзе.
Пасля разводу з Брэдам Пітам Анджэліна Джолі наважыла змяніць прозвішча. Пра гэта ў аўторак, 16 красавіка, паведаміў часопіс ET (пераклад - korrespondent.net).
Нагадаем, пасля вяселля акторка афіцыйна стала Джолі-Піт, як і ейныя дзеці.
Падвойнае прозвішча было пазначанае ва ўсіх ейных дакументах, у тым ліку пашпарце і пасведчанні кіроўцы. Цяпер яна зноў запісаная як Анджаліна Джолі.
Раней стала вядома, што суд ухваліў заявы Джолі і Піта пра развод. Былыя муж і жонка далей працавацьмуць над пагадненнем аб апецы над дзецьмі і падзеле маёмасці, што можа заняць некалькі месяцаў.
Галівудскія акцёры ажаніліся ў 2014 годзе. За час супольнага жыцця ў пары нарадзілася трое дзяцей, таксама яны гадавалі траіх прыймовых.