Лукашэнка паабяцаў ваеннаму злачынцу Асаду падтрымку на міжнароднай арэне

Дыктатар падтрымаў сірыйскі рэжым, які выкарыстоўваў хімічную зброю супраць свайго народа.

Аляксандр Лукашэнка павіншаваў сірыйскага дыктатара Башара аль-Асада з нацыянальным святам - Днём Эвакуацыі, і паабяцаў падтрымку на міжнароднай арэне.

Як адзначае прэс-служба дыктатара, Лукашэнка пацвердзіў намер «прадаўжаць падтрымку Сірыі на міжнароднай арэне ў барацьбе з тэрарызмам і экстрэмізмам, а таксама развіваць двухбаковае супрацоўніцтва ва ўсіх сферах узаемнай цікавасці».

«Перакананы, што пад вашым прафесійным кіраўніцтвам Сірыя неўзабаве паспяхова пераадолее ўсе цяжкасці, выкліканыя ўзброеным канфліктам, адновіць нацыянальную гаспадарку і дружалюбны сірыйскі народ вернецца да нармальнага, мірнаму ладу жыцця», - гаворыцца ў віншаванні.

Дыктатар Башар Асад - ваенны злачынец, які выкарыстоўваў хімічную зброю супраць грамадзян сваёй жа краіны. У 2018 годзе сілы Асада ўжылі хімічную зброю ў Думе, дзе загінулі ад 46 да 70 чалавек і сотні чалавек пацярпелі.