22 жнiўня 2019, Чацвер, 0:26
Мы ў адной лодцы
Рубрыкі

Дзярждэпартамент ЗША пазначыў Галанскія вышыні на мапе часткай Ізраіля

Дзярждэпартамент ЗША пазначыў Галанскія вышыні на мапе часткай Ізраіля

Змены ў мапу ўнесеныя на падставе адпаведнай пастановы прэзідэнта ЗША Дональда Трампа.

Дзярждэпартамент ЗША апублікаваў новую мапу Ізраіля, якая пазначае ў якасці часткі гэтай краіны Галанскія вышыні. Выяву новай мапы апублікаваў у аўторак, 16 красавіка, зрэшты, спецпрадстаўнік прэзідэнта ЗША на Блізкім Усходзе Джэйсан Грынблатт, паведамляе «Нямецкая хваля».

Раней на ўсіх мапах амерыканскага замежнапалітычнага міністэрства Галанскія вышыні пазначаліся як акупаваная Ізраілем тэрыторыя. Змены ў мапу ўнесеныя на падставе адпаведнай пастановы прэзідэнта ЗША Дональда Трампа.

25 сакавіка амерыканскі лідар фармальна прызнаў суверэнітэт Ізраіля над Галанскімі вышынямі, захопленымі ў Сірыі ў 1967 годзе. Адпаведную дэкларацыю прэзідэнт ЗША падпісаў у прысутнасці ізраільскага прэм'ер-міністра Біньяміна Нетаньяху.