Відэафакт: у Менску работнікі ЖЭСа закапалі смецце прама пад вокнамі дома

Жыхары дома знялі гэта на відэа.

«У нас цяпер пад вокнамі работнікі ЖЭСа зладзілі «пахаванне» будаўнічага смецця», - такое паведамленне сёння прыйшло tut.by ад чытачкі Аляксандры. У доказ сказанага яна даслала відэа.

Аляксандра патлумачыла, што за будынкам, у якім знаходзіцца сталічны ЖЭС 114 на вуліцы Лабанка, да нядаўняга часу стаяла блізу 20 іржавых кантэйнераў, запоўненых смеццем, ляжала бытавое смецце і бетонныя ножкі лавак. Пасля звароту на 115.бел смецце і кантэйнеры вывезлі. А вось для бетонных абломкаў сёння адкапалі яму прыкладна метровай глыбіні і скінулі ў яе тое, што не вывезлі з астатнім смеццем. Месца «пахавання» знайсці лёгка па арматуры і бетону, што тырчаць з зямлі.

Якая дакладна арганізацыя займалася такой утылізацыяй смецця - дакладна незразумела. Атрымаць аператыўны каментар у ЖЭС 114 не ўдалося.