Ізраільская кампанія выявіла расейскі «Іскандэр-М» у Сірыі
- 18.04.2019, 9:55
- 9,982
Тактычны ракетны комплекс знайшлі на авіябазе Хмеймім.
На расейскай авіябазе Хмеймім у Сірыі заўважаны тактычны ракетны комплекс "Іскандэр-М". Пра гэта ў сераду, 17 красавіка, паведаміла ізраільская кампанія ImageSat, якая займаецца спадарожнікавымі тэхналогіямі, паведамляе Радыё Свабода.
Кампанія апублікавала спадарожнікавыя здымкі ў твітэры. Сцвярджаецца, што на іх адлюстраваны транспарцёр, пагрузчык і пускавая ўстаноўка расейскага комплексу. Расейскі бок паведамленне ImageSat пакуль не пракаментавала.
#NOW: an #SS26 #Iskander #SSM practice in #Hmeimim, the #Russian airbase in #Syria. #SnapTasking and high-revisit advantage.#ISI #missile #VISINT #IMINT #geospatial #turkey #US pic.twitter.com/wEilXNJbvf
— ImageSat Intl. (@ImageSatIntl) 17 апреля 2019 г.
Упершыню Мінабароны Расеі заявіла аб выкарыстанні "Іскандэр-М" у Сірыі ў канцы 2017 года. Комплекс можа знішчаць рэактыўныя сістэмы залпавага агню супраціўніка, авіятэхніку на аэрадромах, аб'екты інфраструктуры. З афіцыйных звестак, далёкасць палёту ракет "Іскандэра" складае 500 кіламетраў. Раней праз характарыстыкі адной з крылатых ракет ЗША абвінавацілі Расею ў невыкананні дамовы аб ракетах сярэдняй і меншай далёкасці. Масква абвінавачванні адкідвае.
Расейская вайсковая кампанія ў Сірыі пачалася 30 верасня 2015 года. Кааліцыя на чале з ЗША неаднаразова абвінавачвала Маскву ў падтрымцы рэжыму прэзідэнта Сірыі Башара Асада. Краіны Захаду разглядаюць яго як датычнага да масавых парушэнняў правоў чалавека.