Турчынаў: ФСБ і ГУ ГШ РФ маюць быць прызнаныя тэрарыстычнымі арганізацыямі

Расея прычынная да арганізацыі тэрактаў на тэрыторыі Украіны.

Пра гэта заявіў Сакратар Рады нацыянальнай бяспекі і абароны Украіны Аляксандр Турчынаў, паведамілі censor.net у прэс-службе РНБА.

Паводле ягоных слоў, 17 красавіка на супольным брыфінгу Службы бяспекі Украіны і Генеральнай пракуратуры Украіны "былі пададзеныя неаспрэчныя довады ўдзелу ФСБ і ГУ ГШ ВС Расейскай Федэрацыі ў арганізацыі тэрактаў на тэрыторыі Украіны".

"Праваахоўнымі структурамі нашай дзяржавы выкрытая створаная спецслужбамі дзяржавы-агрэсара агентурная сетка, якая нясе адказнасць за серыю тэрактаў на тэрыторыі Украіны, выбухаў і забойстваў, сярод іх супрацоўнікаў СБУ і ГУВ МА Украіны, - сказаў Сакратар РНБА Украіны. - Былі затрыманыя дзейныя супрацоўнікі спецслужбаў РФ, прызнання якіх сведчаць аб мэтанакіраванай арганізацыі ФСБ і вайсковай выведкай РФ тэрарыстычнай дзейнасці на тэрыторыі нашай дзяржавы".

Паводле атрыманых довадаў, падкрэсліў Турчынаў, адказнасць за арганізацыю тэрору і дыверсій на тэрыторыі Украіны нясуць дырэктар ФСБ РФ генерал Аляксандр Бортнікаў, начальнік дэпартамента контрвыведных аперацый ФСБ генерал Дзмітрый Мінаеў, начальнік ГУ ГШ УС РФ віцэ-адмірал Ігар Касцюкоў.

Сакратар РНБА Украіны падкрэсліў, што супраць усіх асоб, якія маюць дачыненне да арганізацыі і выкананню тэрактаў, распачатыя крымінальныя справы. Акрамя таго, названыя асобы маюць быць унесеныя як тэрарысты ў базу Інтэрпола і ў санкцыйныя спісы, перакананы Турчынаў.

"Аналагічныя злачынствы спецслужбаў РФ былі выкрытыя і за межамі нашай краіны – сярод іншага, выкарыстанне баявых атрутных рэчываў на тэрыторыі Вялікабрытаніі і г.д.", - нагадаў ён.

"Усе гэтыя злачынныя дзеі даюць падставы прызнаць спецслужбы РФ, у тым ліку, ФСБ і ГУ ГШ УС РФ, тэрарыстычнымі арганізацыямі, а Расею - дзяржавай, якая распаўсюджвае тэрарызм у свеце", - падрахаваў Турчынаў.