Чаму Лукашэнка забараніў білборд «Выконвай хуткасны рэжым»

Бо расейскі чалавек няправільна зразумее.

Сёння дыктатар выступае з «штогадовым пасланнем да народа і нацыянальнага сходу».

Сайт Charter97.org публікуе асобныя фрагменты з выступу дыктатара.

«Гэта як у мовах. Заўважаю: зноў пайшла гэтая моўная хваля, - заявіў Лукашэнка. - Я ж вас прасіў, не падымайце гэта пытанне наогул! Яно закрытае ў Беларусі! У нас дзве дзяржаўныя мовы - расейская і беларуская. Не ўкраінская, не расейскае - руская! Руская, у якую мы душу ўклалі! Людзі гінулі! Разам з расейцамі ваявалі. Гэта наш агульны здабытак. Калі хто-небудзь хоча страціць розум - ён страціць расейскую мову, калі сэрца - беларускую. Што вы хочаце страціць».

Пры гэтым прэзідэнт распавёў пра скаргі і ад беларусаў, і ад расейцаў, на замену шыльдаў і да т.п. «Еду па дарозе. Траса, якую называюць прэзідэнцкай. Вывесілі білборд «Выконвай хуткасны рэжым». Зразумела мне, што хацеў сказаць аўтар. Але едзе расейскі чалавек або расейскамоўны беларус: Выконвай... Хуткасны ... але зразумеў, што "рэжым". Няўжо (думае) зноў пра дыктатуру Лукашэнкі. Што вы хацелі гэтым паказаць? 50 адсоткаў насельніцтва (з запасам кажу) зразумеюць, што патрабуе дарожнік або аўтаінспектар... Але астатнія ж не зразумеюць! Давялося вярнуць назву нармальную. Хто зразумее, што гэта хуткасны рэжым, а не дыктатура Лукашэнкі...», - распавёў дыктатар.