На Вялікдзень на мяжы адкрыюць пункты спрошчанага пропуску

Яны будуць працаваць на мяжы з Украінай і Літвой.

Падчас красавіцкіх святаў Дзяржпамежкамітэт адкрые дадатковыя пункты спрошчанага пропуску. Прайсці афармленне ў іх змогуць толькі жыхары памежных тэрыторый.

На мяжы з Літвой з 21 да 28 красавіка будуць працаваць пункты пропуску Геранёны - Кракунай (з 11:00 да 17:00) і Піцкуны - Нарвілішкес (з 12:00 да 17:00). Для перасячэння мяжы грамадзянам Беларусі трэба мець візу.

На мяжы з Украінай у зоне адказнасці Мазырскага памежнага атрада 28 красавіка будзе працаваць памежны пераход Глушкевічы - Будкі-Каменскія - з 9:00 да 17:00.

Пінскі памежны атрад забяспечыць памежны кантроль грамадзян у спрошчаных пунктах пропуску Віўнева - Дольск (28 і 29 красавіка з 9:00 да 18:00) і Дзяржынск - Познань (28 красавіка з 9:00 да 18:00).

У Пінскім памежным атрадзе ў пункце спрошчанага пропуску «Віўнева» («Дольск») афармленне будзе ажыццяўляцца 28 і 29 красавіка з 9.00 да 18.00, праз «Дзяржынск» («Познань») - толькі 28 красавіка з 9.00 да 18.00.