На ўездзе ў Кіеў транспартны калапс, людзі едуць з усёй краіны

На дэбатах у НСК «Алімпійскі» будуць прысутнічаць 60 тысяч чалавек.

Першы намеснік міністра ўнутраных спраў Сяргей Яравы заявіў, што паліцыя спрабуе справіцца са складанай транспартнай сітуацыяй на ўездзе ў Кіеў, якая паўстала праз вялікую колькасць людзей, якія прыбываюць на дэбаты кандыдатаў у прэзідэнты.

Пра гэта паведамляе прэс-служба МУС.

«У сувязі з правядзеннем дэбатаў паміж кандыдатамі на пасаду прэзідэнта на НСК «Алімпійскі» на ўездзе ў сталіцу назіраецца складаная транспартная сітуацыя, людзей прывозяць з усёй краіны», - сказаў Яравы.

Ён дадаў, што паліцыянты працуюць над яго развязаннем.

Кіроўцаў заклікалі ставіцца з разуменнем.

У МУС адзначылі, што чакаецца, што на НСК «Алімпійскі» будуць прысутнічаць блізу 60 тысяч чалавек. Бяспеку мерапрыемства будуць гарантаваць 10 тысяч праваахоўнікаў.