ЗША заклікалі ўсе краіны заблакаваць палёты авіяцыі РФ у Венесуэлу

Дзярждэп паставіў у прыклад пастанову Мальты, якая не дазволіла пралёт двух самалётаў РФ праз сваю паветраную прастору.

ЗША заклікалі ўсе краіны не прапускаць расейскія самалёты ў Венесуэлу. Пра гэта ў Twitter напісала афіцыйная прадстаўніца Дзярждэпу Морган Ортагус, паведамляе РБК.

«Мы заклікаем усе краіны пайсці за прыкладам Мальты, каб спыніць падтрымку дыктатара Мадура з боку Крамля», - напісала яна.

У сакавіку Расея накіравала ў Венесуэлу два транспартныя самалёты з расейскімі вайскоўцамі. Гэты крок прывёў да ўзмацнення напружанасці ў адносінах Масквы і Вашынгтона. Прэзідэнт ЗША Дональд Трамп заявіў, што Расеі «павінна прыбрацца» з Венесуэлы.