Парашэнка абвінаваціў Зяленскага ў спробе вярнуць «рэгіяналаў» да ўлады

Дзейны прэзідэнт Украіны рэзка выказаўся ў адрас апанента.

Дзейны прэзідэнт Украіны Пятро Парашэнка падчас перадвыбарных дэбатаў на НСК Алімпійскі абвінаваціў свайго апанента ў спробе вярнуць ва ўладу экс-сябраў Партыі рэгіёнаў і алігархаў, назваўшы таго «мяшком».

«Спадар Уладзімір, вы самі сказалі, што вы - кот у мяшку. Так вы не кот у мяшку - вы мех! А ў вашым мяшку сёння чэрці і карнікі, уключаючы алігархаў, былых «рэгіяналаў» і ўсё тое, што пагражае маёй дзяржаве», - сказаў ён.

У адказ на гэта Зяленскі заявіў, што «лепш быць катом у мяшку, чым ваўком у авечай шкуры».

19 красавіка а 19:00 пачаліся дэбаты дзейнага прэзідэнта Пятра Парашэнкі з шоўменам і кандыдатам у прэзідэнты Уладзімірам Зяленскім.

Першы тур выбараў прэзідэнта Украіны прайшоў 31 сакавіка. Паводле вынікаў падліку 100% пратаколаў, Зяленскага падтрымалі 30,24% выбарцы, а Парашэнку - 15,95%.

Другі тур выбараў адбудзецца 21 красавіка.