Фотафакт: У менскім бары глядзяць дэбаты Парашэнкі і Зяленскага

У беларусаў выклікалі вялікую цікавасць дэбаты кандыдатаў у прэзідэнты Украіны.

У Менску публічны прагляд дэбатаў украінскіх кандыдатаў у прэзідэнты Украіны Пятра Парашэнкі і Уладзіміра Зяленскага арганізаваў Lidbeer-бар. Ужо за некалькі гадзін усе столікі былі забраніраваны.

Карэспандэнт Еўрарадыё наведаў установу і паглядзеў, хто цікавіцца ўкраінскімі дэбатамі.

Перад пачаткам вядучы вечара Аляксандр Памідораў спытаў, хто з кандыдатаў прысутным падабаецца больш, аднак яму не адказалі. Падчас самой трансляцыі большасць сімпатый выказвалі Зяленскаму.