МНС: Прычынай выбуху ў пецярбуржскай вайсковай акадэміі стала неўстаноўленае выбуховае прыстасаванне

Mагутнасць выбуху - блізу 200 грам у тратылавым эквіваленце.

Прычынай выбуху ў пецярбуржскай Акадэміі ім. Мажайскага стала неўстаноўленае выбуховае прыстасаванне, пра гэта заявілі «Новой газете» ў прэс-службе рэгіянальнай управы МНС.

У экстранай службе не змаглі канкрэтызаваць, ці было гэта самаробнае выбуховае прыстасаванне або навучальныя боепрыпасы.

Цяпер з будынка вайсковай акадэміі імя Мажайскага вывелі ўсіх студэнтаў, якіх заблакавала пасля выбуху.

На гарадской станцыі хуткай дапамогі пацвердзілі, што ў выніку здарэння былі шпіталізаваныя чатыры чалавекі з траўмамі рознай ступені цяжкасці. Усіх пацярпелых даставілі ў Вайскова-медыцынскую акадэмію. Сярод іх няма курсантаў акадэміі ім. Мажайскага, толькі афіцэры.

У Галоўнай управе МНС Санкт-Пецярбурга і Ленвобласці ўдакладняюць, што магутнасць выбуху - блізу 200 г у тратылавым эквіваленце. Да будынка Акадэміі прыязджаў часовы выканаўца абавязкаў губернатара Пецярбурга Аляксандр Бяглоў, ён прабыў на месцы здарэння блізу 15 хвілін. Да прэсы ён не выходзіў.

Выбух у будынку вайсковай Акадэміі ім. Мажайскага адбыўся сёння ўдзень. СМІ паведамлялі, што двое супрацоўнікаў акадэміі выявілі выбуховае прыстасаванне (па некаторых звестках, міну - рэд.) і наважылі перанесці яго ў бяспечнае месца. Яно здэтанавала падчас пераносу.

Па факце здарэння Следчы камітэт Расеі распачаў крымінальную справу пра замах на забойства дзвюх і больш асоб.