Шэсць гістарычных легенд, у якія многія працягваюць верыць дагэтуль

Некаторыя ўстойлівыя перакананні пераходзяць з пакалення ў пакаленне.

Напэўна і вы чулі, што Калумб быў у Амерыцы, праз крах Уол-стрыт многія банкіры скончылі жыццё самагубствам, а Моцарта забіў Сальеры. Зняпраўджанне гэтых і іншых не менш папулярных памылак вы знойдзеце ў артыкуле.

AdMe.ru наважыў разбурыць парачку папулярных міфаў, якія далёкія ад ісціны.

У Джорджа Вашынгтона былі драўляныя зубы

У першага прэзідэнта ЗША сапраўды былі праблемы з зубамі, яму давялося насіць пратэзы, але зробленыя яны былі не з дрэва, а са слановай косці, металу і зубоў іншых людзей (як мяркуецца, рабоў). Джордж Вашынгтон старанна сачыў за гігіенай поласці рота, але ўсё было безвынікова. Ужо да 24 гадоў яму давялося выдаліць першы зуб, а да 57 гадоў у яго з родных зубоў застаўся толькі адзін. Паглядзець на пратэз можна тут. Як бачна, з часам ён змяніў свой колер, і гэта прымусіла многіх людзей думаць пра тое, што ён быў зроблены з дрэва.

Калумб быў на Амерыканскім кантыненце

Гішпанскі мараплавец у 1492 годзе адкрыў новыя землі, якія ў далейшым стануць Багамамі, Дамініканскай Рэспублікай і Гаіці, але да Амерыканскага кантынента Калумб так і не даплыў. А вось хто сапраўды пабываў у Амерыцы задоўга да з'яўлення Хрыстафора Калумба, дык гэта скандынаўскі першаадкрывальнік Лейф Эрыксан.

Сальеры забіў Моцарта

У Расеі даўняя плётка пра варожасць паміж двума вядомымі кампазітарамі распаўсюдзілася дзякуючы Аляксандру Сяргеевічу Пушкіну і яго твору «Моцарт і Сальеры», у якім Антоніа Сальеры паўстаў як зайздросны і падступны чалавек, якія атруціў Вольфганга Амадэя Моцарта. Але на радзіме кампазітара нават не падазравалі пра такую легенду датуль, пакуль Італію не наведаў англійская тэатр з п'есай Шафера. Менавіта гэтая п'еса прымусіла Міланскую кансерваторыю адкрыць судовы працэс над Сальеры.

Афіцыйна суд прызнаў кампазітара невінаватым у смерці калегі. І пры жыцці Моцарта яны не былі ворагамі, а Антоніа не мог яму зайздросціць хоць бы таму, што быў больш паспяховы за Вольфганга. Сальеры на той момант быў самым славутым педагогам (сярод яго вучняў былі Бетховен, Шуберт і Ліст), а таксама прыдворным капельмайстрам, што лічылася самай прэстыжнай музычнай пасадай у Еўропе.

Масавыя самагубствы пасля краху Уол-стрыт

«Чорны чацвер» і «чорны аўторак» у 1929 годзе склалі самы разбуральны абвал фондавай біржы ў гісторыі ЗША, які рушыў услед за крахам Лонданскага фондавага рынку і стаў пачаткам 12-гадовай Вялікай дэпрэсіі, які закрануў усе развітыя краіны.

Шмат хто верыць у гісторыю пра масавыя самагубствы банкіраў, брокераў і інвестараў, пасля таго як яны раптоўна страцілі свае багацці. Але напраўду мільянеры не скакалі з вокнаў, а ўзровень самагубстваў нават знізіўся. Гэта тлумачыцца тым, што ў перыяд трагічных падзей людзі пачынаюць больш шанаваць сваё жыццё.

Паставы статуй адлюстроўваюць зыход апошняга бітвы вершніка

Існуе міф, што колькасць ног каня ў паветры кажа пра тое, як загінуў коннік: дзве нагі азначалі гібель падчас бітвы, адна нага - смерць пасля бітвы ад ран, усе ногі на зямлі - конь і вершнік загінулі не ў баі. Многае гаварылася і пра статуі рыцараў: скрыжаванне рук або ног паказвала на тое, ці быў ён у якім-небудзь з Крыжовых паходаў. Але ўсё гэта аказалася толькі прыгожай выдумкай.

У Сярэднявеччы людзі верылі ў тэорыю плоскай Зямлі, а царква спрабавала знішчыць навуку

Мабыць, самае распаўсюджаны міф пра Сярэднявечча: людзі верылі, што Зямля плоская, а ўсіх тых, хто сумняваўся спальвалі на вогнішчах. Навукоўцы зняпраўджваюць гэты міф і сцвярджаюць, што з XIV стагоддзя ўсе адукаваныя еўрапейцы ведалі, што планета мае форму шара, а сярод навукоўцаў і зусім ніколі не была распаўсюджаная тэорыя плоскай Зямлі. Таксама не было знойдзена ніякіх запісаў, якія даказваюць вучэнні і прымус з боку царквы верыць у плоскую планету.

Што тычыцца пакарання Джардана Бруна, то святара прысудзілі да самай лютай кары зусім не за яго навуковыя працы. Паводле прысуду, Джардана пакаралі смерцю не як навукоўцу, а як чалавека, які адмаўляў асноватворныя догмы хрысціянства і планаваў стаць заснавальнікам новай секты пад назвай «новая філасофія», а таксама за сцвярджэнні, якія царква не магла дараваць: Бруна абражаў манахаў і ўсё тое, у што яны верылі.

А ў які з развянчаных намі міфаў верылі вы?